Kloon

                        Ich verf mie gezich

                        mit grondverf en aksente

                        i frisje zoamerkleure.

                        Ich bin 'ne kloon.

                        Ich verdrieën mieng sjtim

                        nao gans monter toeëne

                        die mieng wietse ondersjteune.

                        Ich bin 'ne kloon.

                        Ich vring mie lief

                        pis kromp en sjeef

                        in de dulste kaprioeële.

                        Ich bin 'ne kloon.

                        Ich lach 'ne lach

                        dèe idderinge mot veure

                        nao momente va geluk.

                        Ich bin 'ne kloon.

                        Ich bin 'ne kloon,

                        noe ohne pruuk of sjmink:

                        modderzieël alling zit ich te dinke

                        uvver lève, leefde en geluk.